008

QazWPU-da Töle bi köşesi küni atalıp ötti

Abay atındağı Qazaq Wlttıq pedagogikalıq universitetiniñ bas oqu ğimartınıñ alañında Medeu audandıq äkimdigi men osı oqu ornınıñ birlesip wyımdastıruımen “Töle bi köşesiniñ”  küni atap ötildi.

Bwl mereke Elbası N. Nazarbaevtıñ «Bolaşaqqa bağdar: ruhani jañğıru» bağdarmasınıñ eñbegine säykes jastarğa ruhani-adamgerşilik jäne estetikalıq tärbie beru, köşe twrğındarınıñ tuğan qalası men köşesiniñ  tarihınan mälimet aluına ıqpal etu, öz köşesi men audanına degen maqtanış sezimin qalıptastıru maqsatımen ötkizilip otır.

Merekelik şarağa Medeu audanınıñ äkimi Erjan Jılqıbaev, Ğabit Müsirepov atındağı Qazaq memlekettik akademiyalıq balalar men jasöspirimder teatrınıñ direktorı Säbit  Äbdihalıqov, «Kazgor» jobalau akademiyasınıñ Qwrmetti akademigi,  jäne  «Ken-Arna K» JŞS direktorı, körnekti memleket qayretkeri Keñes Auhadiev, memlekettik sıylıq laureatı, eñbek siñirgen öner qayratkeri, ataqtı akter Säbit Orazbaev, belgili rejisser, akter, prodyusser Dosqan Joljaqsınov jäne köşe twrğındarı qatıstı. Köşe künine arnalğan saltanattı  is-şarada Medeu audanınıñ äkimi Erjan Jılqıbaev, memleket qayratkeri Keñes Auhadiev, mädeniet jäne öner qayratkeri Säbit Orazbaev, Säbit Äbdihalıqov söz söylep, Töle bi köşesiniñ twrğındarın merekemen qwttıqtadı.

İs-şara ayasında Abay atındağı QazWPU «Balalar kitabiniñ älemi», «Balalar äleminiñ elşisi», «Jastar kitap oqidı, tañdaydı», «Qolöner» şeberleri bwyımdarınıñ körmesin wyımdastırdı. Şeberlik sınıptarı boldı. Ärtürli wlttıq sport oyındarı körsetildi. Ğ. Müsirepov atındağı jasöspirimder jäne balalar teatrı «Bazarıñ tarqamasın» attı muzıkalıq dramadan qoyılım körsetti. Köpşilik Medeu audanı men Abay atındağı QazWPU önerpazdarınıñ koncertterin tamaşaladı.

 

QazWPU-diñ Qoğammen baylanıs bölimi

 

 

Pikirler

pikir