008

Altınbek Särsenbaev: «Teatrğa bir ret kelip, otız kün aytıp jüretin şeneunik emespin» (video)

Qazir jwrttıñ bäri özin jarnamalauğa janı qwmar. Küni keşe ğana Oğız Doğan men Qazkom arasında qazaq tiline qatıstı dau tuındağanda eks-deputat Täñirbergen Berdoñğarov orınsız jerden kiiligip, dauğa şoq ürlep, öziniñ jarnamasın jasap qaldı. Tipti, ol öziniñ közdegenine qol jetkizdi desek te boladı. 

Osı rette Alaştıñ ardaqtı azamatı, marqwm Altınbek Särsenbaevtıñ kezinde «Şınnıñ jüzi» bağdarlamasında aytqan tömendegi oyı köpşilikke oy salar degen nietpen saytımızğa ädeyi jariyalap otırmız.

Altekeñ «ne deydi» deysiz ğoy. Belgili jurnalist Qasım Amanjol:

– Alteke, siz Mädeniet ministri bolıp twrğanda teatrdağı qoyılımdardıñ prem'erasına sirek baratınsız. Tipti, sizdi teatrğa mülde barmadı dese bolatınday?.. – dep kökeyde jürgen saualın qoyıptı.

Jurnalistıñ swrağına Altınbek Särsembaev öziniñ ministr bolıp twrğanda özge ministrler sekildi nökerlerin ertip, aldıñğı qatarda otırıp, jwrttıñ nazarın özine audarmağanın ayta kele, oyın bılayşa sabaqtaptı:

– Men teatrğa barğandı jaqsı köremin. Biraq mümkindiginşe teatrğa qarapayım körermen sekildi biletti öz aqşama satıp alıp, jwrtpen birge qoyılımdı tamaşalağandı janım qalaydı.

Birde belgili rejisser Bolat Atabaev öziniñ qoyılımında meniñ zalda otırğanımdı bayqap qaldı. Sodan soñ teatr qızmetkerleri sol kezdegi teatrdıñ direktorı Twñğışbay Jamanqwlov ağımızğa «teatrdı ministr otır» dep telefon soğıptı.

Twñğışbay ağamız qoyılımnıñ ekinşi böliminede üyde jatqan jerinen kelip «Alteke keletiniñizdi nege küni bwrın aytpadıñız?» demesi bar ma?

Men sol kezde: «Men sizderdi mazalau üşin emes, mına qoyılımdı azamat retinde tamaşalauğa keldim. Zalda özimdi ministr retinde sezingim kelmeydi. Qarapayım körermen retinde ruhani läzzat alu üşin keldim. Men teatrğa öz ayağımmen kelip, öz ayağımmen ketetin köp körermenderdiñ birimin» dep jauap berdim.

Jalpı, teatrğa şabarmandardı ertip, jwrttı dürliktirip bir ret kelip, otız kün aytıp jüretindey äreketke baruğa boladı. Sonımen qatar teatrğa köp körermenniñ biri retinde jılına on ret kelip, eşqanday sayasi jarnama jasamauğa boladı, – dep tamaşa jauap bergen edi.

Iä, bolmaşı dünieden jarnama jasıp, jwrttı dürliktiruge janı qwmar jwrt Altekeñdey azamattan ülgi-önege alsın dep osı dünieni ädeyi jazıp otırmız. Ärine, mwnı wğatın kökirek, tıñdaytın qwlaq bolsa qaneki?

Nwrlan JWMAHAN    

 

 

Altınbek Särsenbaev

Pikirler

pikir