008

Jaqsılıq Omar: «Almatı oblısında infekciyalıq aurudıñ aldın alatın därilik zattardıñ qorı bar»

QR Densaulıq saqtau ministri Eljan Birtanov Almatı oblısına arnayı at basın bwrıp, oblısta ornalasqan ortalıq auruhananıñ jay-küyimen tanısıp, meningokokk dertimen auırıp jatqan nauqastardıñ jağdayın bildi.

İs-saparmen kelgen Eljan Birtanovqa Almatı oblısı äkiminiñ orınbasarı Jaqsılıq Omar aymaqta orın alğan ahual turalı jäne meningokokk infekciyasınıñ aldın alu jöninde qabıldanğan şaralar turalı habarlap, Talğar jäne Eñbekşiqazaq audandarındağı auruhanalardıñ jwmısımen tanıstı.

Atap öteyik, Talğar audanında epidemiologiyalıq jağdaydı eskere otırıp, meningokokk infekciyasına qosımşa infekciyalıq tösek orındarı qoyıldı. İle audanındağı jäne basqa ortalıq audandıq auruhanalarda osınday jağdaydıñ aldın alu üşin är densaulıq saqtau mekemesinde qosımşa 10 tösek ornı bölindi.

Audandıq auruhanalardı aralau barısında Almatı oblıstıq densaulıq saqtau basqarmasınıñ basşısı Bauırjan Isqaq atqarılğan jwmıstar jöninde tolıqqandı  aqparat berdi.

– Bügingi künge deyin  oblıs boyınşa meningokokk dertine şaldıqqan 4 ölim jağdayı tirkeldi, onıñ üşeui eresek bolsa, bireui säbi. Biz meningokokk  dertin toqtatu üşin qoldan kelgen  barlıq jağdaydı jasaudamız. Aurudıñ aldın alu üşin Taldıqorğan aymaqtıq jäne Qaskeleñ qalalıq jwqpalı aurular auruhanalarında meningokokk infekciyası küdigimen kelgen nauqastarğa arnayı medicinalıq qabıldau bölimderi jwmıs jasaydı. Oblıs köleminde densaulıq saqtau basqarmasınıñ şaqırtuımen B.N. Koşerov basqaratın Qarağandı Memlekettik medicina universitetiniñ mamandarı (eresekter men balalar jwqpalı aurulardı emdeytin därigerler, epidemiolog) jäne arnayı psiholog mamandar da jwmıldırıldı, – deydi  Bauırjan Isqaq.

Jalpı, oblısımızda meningitke qarsı şaralar halıqaralıq talaptarğa säykes jüzege asuda.

– Qazir jağdaydıñ barlığı qatañ  baqılauda. Qoğamdağı alañdauşılıqtı basu üşin, halıqqa tüsindiru jwmıstarı jürgizilip jatır. Oblıstıq medicina wyımdarında  atalğan aurudıñ aldın alu üşin oqıtu seminarları ötkizildi. Medicinalıq wyımdarda därilik zattardıñ qajetti qorı bar, – dep atap ötti oblıs äkiminiñ orınbasarı Jaqsılıq Omar.

Densaulıq saqtau ministri Eljan Birtanov Eñbekşiqazaq audandıq auruhanasında dertten ayığıp kele jatqan nauqastardıñ jağdayın körip, ağayındı  Kamal men Mwstafa Mamaevtarğa tez  sauığıp ketuin tiledi.

Ayta keteyik, olar meningokokk infekciyasın jwqtırdı degen diagnozımen auruhanağa jatqızılğan. Ağayındılarğa qatıstı jedel emdeu şaraları qoldanılğan. Därigerlerdiñ aytuınşa, balalardıñ qazir jağdayı  jaqsı, apta soñında olar auruhanadan şığarılmaq.

– Täjiribeli qızmetkerleriñizdiñ arqasında jwmıstarıñız oñ  nätije berude. Men osı auruhanada 1994-1996 jıldarı qızmet atqarğan uaqıtta ğimarat jağdayı müşkil bolatın. Al qazir ol olqılıqtardıñ ornı toltırılıp, barlıq talaptarğa say jwmıstar atqarıluda, –dedi Eñbekşiqazaq audanınıñ ortalıq auruhanasınıñ jwmısına oñ bağa bergen  ministr E.Birtanov.

Sonımen qatar ministr jedel järdem jwmısındağı kemşilikterdi atap ötti.

– Tötenşe jağdayda ärbir minut mañızdı. Sondıqtan tez arada jedel järdem körsetu kerek. Bir aumaqqa qanşa jedel järdem köligi bar? Halıq tarapınan qanşa qoñırau şalınadı? Biz, eñ aldımen, ömir men ölimniñ arasında  twrğan adamdardıñ jağdayı turalı oylanuımız kerek.Olar üşin jedel järdem qızmeti halıqtıñ mwñ-mwqtajın tıñdap otıru üşin emes, müşkil jağdayda jatqan nauqastı jedel jetkizu üşin arnalğanın halıqqa dwrıs tüsindire bilu kerek. Men jedel järdem  qızmetiniñ talaptarımen tanıstım, bwl jöninde arnayı şıqqan bwyrıq qağazı da bar. Alayda ol talaptar orındalmağan, – dep qorıtındıladı densaulıq ministri.

Sonday-aq Eljan Birtanov nauqastardıñ densaulığı üşin küni-tüni küresip jatqan aq halattılarğa öz alğısın bildirdi.

Baljan QAYRATQIZI,

Almatı oblısı.

Pikirler

pikir