008

الماتى وبلىسىندا دەنساۋلىق ەستافەتاسى باستالدى

استانا قالاسىنىڭ 20 جىلدىعىن اتاپ ءوتۋ اياسىندا الماتى وبلىسىندا «استانا – ۇلى دالا ەلورداسى» اتتى دەنساۋلىق ەستافەتاسى باستالدى. وبلىستىق دەنساۋلىق ساقتاۋ باسقارماسى مەن سالاماتتى ءومىر سالتى وبلىستىق ورتالىعى ۇيىمداستىرعان بۇل شارانىڭ ماقساتى – سالاماتتى ءومىر سالتىن ناسيحاتتاۋ ارقىلى وبلىس تۇرعىندارىنىڭ ءوز دەنساۋلىعىنا جاۋاپتىلىعىن ارتتىرۋ، – دەپ حابارلايدى الماتى وبلىسى اكىمىنىڭ ءباسپاسوز قىزمەتى.

ەستافەتانىڭ سيمۆولى رەتىندە «دەنساۋلىق جالاۋى» كوتەرىلىپ، بۇل ساپار قاراساي اۋدانىنداعى شامالعان اۋىلىنان باستالدى.

ءۇش «دەنساۋلىق جالاۋى» 3 باعىت بويىنشا جۇرەدى. ءبىرىنشى باعىت جامبىل، كوكسۋ، ەسكەلدى، قاراتال، كەربۇلاق اۋداندارى مەن قاپشاعاي، تەكەلى قالالارىن قامتىسا، ەكىنشى باعىت ىلە، بالقاش، اقسۋ، سارقان، الاكول اۋداندارىنا بەت تۇزەمەك. 3-ءشى «دەنساۋلىق تۋى» تالعار، ەڭبەكشىقازاق، كەگەن، رايىمبەك، ۇيعىر، پانفيلوۆ اۋداندارىندا بولادى دەپ جوسپارلانعان. ەستافەتا اياسىندا كونتسەرتتىك باعدارلامالار، سپورتتىق جارىستار ۇيىمداستىرىلىپ، تۇرعىنداردىڭ دارىگەرلەردەن تەگىن كەڭەس الۋىنا جاعداي جاسالعان «دەنساۋلىق قالاشىقتارى» جۇمىس ىستەيتىن بولادى.

ءسويتىپ، وبلىستىڭ بارلىق اۋدان، قالالارىن قامتيتىن ەستافەتا 4 شىلدەدە تالدىقورعان قالاسىندا اياقتالماق.

 

الماتى وبلىسى اكىمىنىڭ ءباسپاسوز قىزمەتى

پىكىرلەر

پىكىر