008

Almatı oblısında densaulıq estafetası bastaldı

Astana qalasınıñ 20 jıldığın atap ötu ayasında Almatı oblısında «Astana – Wlı Dala Elordası» attı densaulıq estafetası bastaldı. Oblıstıq densaulıq saqtau basqarması men Salamattı ömir saltı oblıstıq ortalığı wyımdastırğan bwl şaranıñ maqsatı – salamattı ömir saltın nasihattau arqılı oblıs twrğındarınıñ öz densaulığına jauaptılığın arttıru, – dep habarlaydı Almatı oblısı äkiminiñ baspasöz qızmeti.

Estafetanıñ simvolı retinde «Densaulıq jalauı» köterilip, bwl sapar Qarasay audanındağı Şamalğan auılınan bastaldı.

Üş «Densaulıq jalauı» 3 bağıt boyınşa jüredi. Birinşi bağıt Jambıl, Köksu, Eskeldi, Qaratal, Kerbwlaq audandarı men Qapşağay, Tekeli qalaların qamtısa, ekinşi bağıt İle, Balqaş, Aqsu, Sarqan, Alaköl audandarına bet tüzemek. 3-şi «Densaulıq tuı» Talğar, Eñbekşiqazaq, Kegen, Rayımbek, Wyğır, Panfilov audandarında boladı dep josparlanğan. Estafeta ayasında koncerttik bağdarlamalar, sporttıq jarıstar wyımdastırılıp, twrğındardıñ därigerlerden tegin keñes aluına jağday jasalğan «densaulıq qalaşıqtarı» jwmıs isteytin boladı.

Söytip, oblıstıñ barlıq audan, qalaların qamtitın estafeta 4 şildede Taldıqorğan qalasında ayaqtalmaq.

 

Almatı oblısı äkiminiñ baspasöz qızmeti

Pikirler

pikir