008

Balalar hirurgiyası ozıq qondırğımen jabdıqtaldı

Bügin Pediatriya jäne balalar hirurgiyası ğılımi ortalığında ozıq qondırğılarmen jabdıqtalğan «Smart School»  oqu sınıbınıñ twsaukeser räsimi ötti.

Smart-klastı ortalıq direktorı Riza Boranbaeva men «Samsung» kompaniyasınıñ ökili Anastasiya Gulmetova aştı.

– Bügin biz üşin aytulı kün. Balalarğa ülken quanış sıylağan, osı äsem de jarıq sınıptı jasap, zaman talabına say jabdıqtap bergen «Samsung» kompaniyasına şeksiz alğısımızdı bildiremiz. Bwğan deyin bizdiñ kişkentay pacientterimiz barlıq pänder boyınşa palatalarında bilim alsa, endi osı sınıpta bilimderin jalğastırıp qana qoymay, bos uaqıttarın qızıqtı da tiimdi ötkizetin boladı. Erteñnen bastap suret salu, konstruktor qwrau, ağılşın tilin üyrenu, doybı, şahmat üyirmeleri jwmısın bastaydı. Bwl öz kezeginde balalardıñ tezirek jazılıp, sauığıp ketuine oñ äserin tigizedi dep senemiz, – dedi aşılu saltanatında Pediatriya ortalığınıñ direktorı Riza Boranbaeva.

Innovaciyalıq oqu bölmesi onkologiyalıq dertke şaldıqqan balalarğa arnalğan. Ortalıqta bügingi küni 100-den astam bala em aluda.

– «Samsung» kompaniyası Qazaqstan boyınşa elimizdegi mektepterge osı künge deyin 13 smart-klass aştı. Biz osınday oqu sınıptarınıñ balalardıñ, äsirese, onkologiyalıq aurularğa şaldıqqan balalarğa oñ äseri tietinin Reseydegi Rogaçev atındağı onkologiya jäne gematologiya ortalığınan bildik. Balalardıñ jazılıp ketuine biz de öz septigimizdi tigizu üşin ortalıqta em alatın balalarğa Balalar künine oray sıyğa tartudı jön kördik. Bastı maqsatımız balalardıñ sauığıp ketuine üles qosu, zamanaui şeşim arqılı balalardıñ qızıqtı äri tiimdi bilim alularına mümkindik jasau, – dedi Samsung kompaniyasınıñ ökili Berik Omarov.

Atap öte keteyik, atalmış kompaniya ötken jılı Ana men bala wlttıq ğılımi ortalığına däl osınday smart-klastı sıyğa tartqan edi.

Osı zamanğa say bilim beru qwraldarımen jabdıqtalğan oqu sınıbında balalar matematika, tarih, ağılşın tili jäne t.b. jalpı pändermen birge şığarmaşılıq jwmıstarmen de aynalısa aladı. Sonday-aq bwl sınıpta muzıka men ertegilerdiñ kömegimen terapiya seanstarı ötkiziledi. Ortalıqqa kelip däris beretin mwğalimder sabaqtardı tiimdi jäne qızıqtı etip onlayn rejimde de jürgize aladı. Onlayn türinde ötetin sabaqtarğa endi tösekke tañılğan balalar da qatısa alatın boladı. Därister jaña interaktivti oqu ädisimen jürgiziledi. Sınıp ülken interaktivti taqtamen, ekologiyalıq taza jihazdarmen qamtamasız etilgen. Qatısuşılarğa arnalğan 20 planşet te qoyılğan. Sınıp işi zaman talabına say ärlenip, bezendirilgen. Ortalıqta emdeluşi balalar sabaqtardı jaña oqu jılınan jaña formatta oqitın boladı. Bügin gematologiya böliminde em alıp jatqan balalar smart-sınıpqa alğaşqılardıñ biri bolıp otırdı.

Kelesi aptadan bastap suret salu, konstruktor qwrau, ağılşın tilin üyrenu, doybı, şahmat üyirmeleri öz jwmısın bastaydı. Üyirmelerdi «HelpToday» qoğamdıq wyımınıñ 10-ğa juıq erikti ökilderi tegin jürgizetin boladı. Sınıptıñ aşılu saltanatında «HelpToday» qoğamdıq wyımınıñ jetekşisi El'mira Älieva däris beretin wstazdarmen tanıstırıp, sınıptıñ aşıluımen qwttıqtadı.

– «Jaqsılıq jasasañ, balağa jasa» degen dana halqımız. Ortaq quanışımız qwttı bolsın! Biz qaşanda elimizdiñ bolaşağı balalar üşin jaqsılıq jasauğa äzirmiz. Balalardıñ emin üzbey, bilimderin arttırıp, şığarmaşılıq jağınan da damuğa mümkindik beretin bwl jobağa atsalısqanımızğa quanıştımız. Bwl aqparattıq-kommunikaciyalıq tehnologiyalar däris jürgizu isin jedeldetip, sabaqtardı qızıqtı ete tüsetinine senimdimiz, – dep atap ötti E.Älieva.

Şara barısında moyın qaterli isigi diagnozımen jatqan 10 jastağı Älimanıñ anası Gauhar Igenbaeva ata-analar atınan söz söylep, balalar üşin jasalıp jatqan qayırımdı is üşin alğısın bildirdi.

Ozıq qondırğılarmen jabdıqtalğan «Aqıldı sınıptı» Samsung Electronics Central Eurasia kompaniyası Halıqaralıq Balalar künine oray tartu etti. Igilikti is  «HelpToday» qoğamdıq wyımınıñ jetekşiligimen iske astı.

Nazira JWMAQWLOVA

Pikirler

pikir