008

تۇركىستاندا اۋىل شارۋاشىلىعى كاسىپكەرلىگى العا باسىپ تۇر

تۇركىستان وبلىسىندا «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» باعدارلاماسى اياسىندا 300-دەن استام كاسىپكەرگە نەسيە بەرىلگەن. جالپى، وسىناۋ جۇمىستارعا 2018 جىلعا 3,282 ملرد تەڭگە قارجى قارالىپ، نەسيەلەندىرۋ جۇمىستارى جۇرگىزىلۋدە.

2018 جىلدىڭ ءى جارتى جىلدىعىندا اتقارىلعان جۇمىستاردىڭ ىشىندە «اۋىل شارۋاشىلىعىن قارجىلاي قولداۋ قورى» اق-ى وبلىستىق فيليالى ارقىلى 260 تۇلعانى نەسيەلەندىرىلسە (1 122,5 مىڭ تەڭگە), ونىڭ 184 بىرلىگى مال شارۋاشىلىعىنا قاتىستى كاسىپ ءتۇرى بولىپ تابىلادى. 6 پايىزدىق ۇستەمەسىمەن 7 جىل مەرزىمگە بەرىلگەن وزگە دە بىرلىكتەر جىلىجاي، جيھاز ءوندىرىسى جانە شاشتاراز كاسىپشىلىگىنە بايلانىستى ىستەر بولىپ وتىر. «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» باعدارلاماسىن ىسكە اسىرۋدىڭ ەكىنشى تارماعى – «اگرارلىق نەسيە كورپوراتسياسى» اق-ى ارقىلى 64 تۇلعاعا (201 652 مىڭ تەڭگە) 6 پايىزبەن 7 جىل مەرزىمگە نەسيە بەرىلىپتى. ونىڭ 63 بىرلىگى مال شارۋاشىلىعىنا قاتىستى بولسا، 1-ءۋى جىلىجاي وندىرىسىنە تيەسىلى.

ودان بولەك، ناتيجەلى جۇمىسپەن قامتۋ، جاپپاي كاسىپكەرلىكتى جانە كووپەراتيۆتەردى دامىتۋعا رەسپۋبليكالىق بيۋدجەتتەن قوسىمشا 3 ملرد. تەڭگەگە بيۋدجەتتىك ءوتىنىم بەرىلىپ، ونىڭ 1,8 ملرد. تەڭگەسى قولداۋ تاپقان.

تۇركىستان وبلىسى اكىمىنىڭ ءباسپاسوز قىزمەتى

پىكىرلەر

پىكىر