008

Türkistanda auıl şaruaşılığı käsipkerligi alğa basıp twr

Türkistan oblısında «Nätijeli jwmıspen qamtu jäne jappay käsipkerlikti damıtudıñ 2017-2021 jıldarğa arnalğan» bağdarlaması ayasında 300-den astam käsipkerge nesie berilgen. Jalpı, osınau jwmıstarğa 2018 jılğa 3,282 mlrd teñge qarjı qaralıp, nesielendiru jwmıstarı jürgizilude.

2018 jıldıñ İ jartı jıldığında atqarılğan jwmıstardıñ işinde «Auıl şaruaşılığın qarjılay qoldau qorı» AQ-ı oblıstıq filialı arqılı 260 twlğanı nesielendirilse (1 122,5 mıñ teñge), onıñ 184 birligi mal şaruaşılığına qatıstı käsip türi bolıp tabıladı. 6 payızdıq üstemesimen 7 jıl merzimge berilgen özge de birlikter jılıjay, jihaz öndirisi jäne şaştaraz käsipşiligine baylanıstı ister bolıp otır. «Nätijeli jwmıspen qamtu jäne jappay käsipkerlikti damıtudıñ 2017-2021 jıldarğa arnalğan» bağdarlamasın iske asırudıñ ekinşi tarmağı – «Agrarlıq nesie korporaciyası» AQ-ı arqılı 64 twlğağa (201 652 mıñ teñge) 6 payızben 7 jıl merzimge nesie berilipti. Onıñ 63 birligi mal şaruaşılığına qatıstı bolsa, 1-ui jılıjay öndirisine tiesili.

Odan bölek, nätijeli jwmıspen qamtu, jappay käsipkerlikti jäne kooperativterdi damıtuğa respublikalıq byudjetten qosımşa 3 mlrd. teñgege byudjettik ötinim berilip, onıñ 1,8 mlrd. teñgesi qoldau tapqan.

Türkistan oblısı äkiminiñ baspasöz qızmeti

Pikirler

pikir