008

Jaña twjırımdama Türkistan oblısınnıñ auıl şaruaşılığın alğa bastıradı

Bwl turalı Türkistan oblısı äkimdiginde ötken selektorlıq jiında öñir basşısı Janseyit Tüymebaev audan, qala äkimderine aytıp, auıl şaruaşılığın damıtudıñ keşendi josparın äzirleudi tapsırdı. Endigi kezekte oblıstıñ ekonomikalıq drayveri auıl şaruaşılığı salası ekenin alğa tartqan äkim salanı mıqtap qolğa alu qajettiligin mindettedi.

Kün tärtibi boyınşa «Türkistan oblısı agroönerkäsip keşeniniñ 2017-2021 jıldardağı (AÖK) damu bağdarlamasınıñ» 2018 jıldıñ 6 ayınıñ qorıtındısın jasağan oblıstıq auıl şaruaşılığı basqarmasınıñ basşısı Serik Twrbekov saladağı atqarılğan isterge toqtaldı.

– Ötken jartı jıldıqtağı saladağı jalpı önim kölemi 146,4 mlrd.tg qwrap, ötken jıldıñ tiisti kezeñimen salıstırğanda 25,4 mlrd. tg. artqan. Respublikada önim kölemi boyınşa oblısımızdıñ ülesi 14,6%-dı qwrap, 2 orınğa ie. Auıl şaruaşılığı eksportınıñ kölemi 68,6 mln. AQŞ dolların qwrap 18,2 % arttı. Bwdan bölek, bügingi tañda oblıs boyınşa 60 mıñnan asa üy şaruaşılıqtarı men şağın fermer müşelerinen qwralğan 704 auıl şaruaşılığı kooperativteri tirkelip, jwmıstarın jürgizude, – dedi basqarma basşısı.

2018 jıldıñ İ jartı jıldığında jetken saladağı özge de jwmıstardı bayandağan S.Twrbekovke aymaq basşısı soñğı äkimşilik aumaqtıq özgeristerge baylanıstı Agroönerkäsip keşenin damıtuda qanday bağıttarğa basımdıq beriletinin swradı. Oblıstağı jasıl beldeu aymağın wlğaytıp, mal şaruaşılığı salası men tamşılatıp suğaru jüyesin mıqtap qolğa alu qajet degen basqarma basşısınıñ jauabına qanağattanbağan äkim jan-jaqtan ğalımdardı şaqırıp, keşendi twjırımdama jasamasa, saladağı jwmıstardıñ aqsaytınına alañdauşılıq bildirdi.

– Birinşi kezekte oblıstıñ ekonomikalıq drayveri bolıp auıl şaruaşılığı salası tabıladı. Sondıqtan 1 ay merzimde ärbir audan kesindisinde auıl şaruaşılığın damıtudıñ keşendi josparın äzirleudi tapsıramın. Sonımen birge, sala boyınşa Ükimet bekitip bergen indikatorlardıñ orındaluı qatañ baqılauğa alınsın, – dedi J.Tüymebaev.

Basqosuda osı sındı özge de tapsırmalar jüktegen oblıs basşısı su şaruaşılığı nısandarınıñ da respublikalıq menşikke ötkizu jwmıstarın jedeldetudi mindettedi. Sonday-aq, aq altındı aymaq sanalatın öñirimizde maqta ziyankesterimen küresuge bölinetin preparattardıñ şarualarğa jetkiziluin qamtamasız etu mäselesin retteudi tapsırdı.

Türkistan oblısı äkiminiñ baspasöz qızmeti

Pikirler

pikir