008

«استانادان اق تىلەك» تۇركىستانعا

ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ مادەنيەت ورتالىعىندا  تۇركىستان وبلىسىنداعى استانا قالاسىنىڭ مادەني كۇندەرىنە ارنالعان «استانادان اق تىلەك» گالا-كونتسەرتى ءوتتى.

استانانىڭ 20 جىلدىق مەرەيتويىنا وراي ۇيىمداستىرىلعان شارانى تۇركىستان قالاسىنىڭ اكىمى الىپبەك وسەرباەۆ مەن استانا قالاسى مادەنيەت جانە سپورت باسقارماسى باسشىسىنىڭ ورىنباسارى ناريما مۇحامبەتالينا قۇتتىقتاۋ سوزبەن اشىپ بەردى.

كونتسەرتتە استانا قالاسىنىڭ مەملەكەتتىك اكادەميالىق فيلارمونياسىنىڭ قازاق وركەسترى، «شالقىما» حالىق ءبيى ءانسامبلى، ەسترادالىق بي ءانسامبلى، كلاسسيكالىق، ەسترادالىق جانە حالىق ۆوكالىنىڭ سوليستەرىمەن قاتار، قر مادەنيەت قايراتكەرى، ءانشى كلارا تولەنباەۆا، قر ەڭبەك سىڭىرگەن قايراتكەرى، ءانشى التىناي جوراباەۆا، مارجان اراپباەۆا، اسقار جايلاۋباەۆ، باۋىرجان يساەۆ جانە الماس كىشكەنباەۆ سىندى وتاندىق ەسترادا جۇلدىزدارى ونەر كورسەتىپ، تۇركىستاندىق كورەرمەندەرگە ايرىقشا كەش سىيلادى.

ايتا كەتسەك، استانا قالاسى اكىمدىگى مەن ەلوردانىڭ مادەنيەت جانە سپورت باسقارماسىنىڭ ۇيىمداستىرۋىمەن ءوتىپ جاتقان ايتۋلى مەرەكەلىك شارا ەلىمىزدىڭ بارلىق وڭىرلەرىندە جۇزەگە اسۋدا.

پىكىرلەر

پىكىر